ثورة

جمال مبارك غار في داهية الله لا يرجعه

بس مش عارف مدى التعريص اللي كان عايش فيه ده حقيقي و لا مبالغات جرايد

الجيش بقى شكله حلو قدام الناس و لو اني مش عارف ليه

احمد عز بيتحاكم

مبارك قاعد و مبرطع برضه

العادلي شكله هيتحاكم بس لسة الصورة مش واضحة

حكمتك يا رب... تعز من تشاء و تذل من تشاء

رجعت تاني

بقالي كتير ماجيتش هنا، حصل حاجات كتيير، حياتي اتغيرت ١٨٠ درجة و معدتش عارف هل انا نفس الشخص اللي كان بيتكلم في البوست اللي فات اللي بقالو سنة؟

انا بكتب هنا بصراحة عشان انفس عن اللي جوايا، اطلع الصديد اللي في روحي في صورة كلام

افكاري كتير و مشتتة بس هحاول اكون منتظم على قد ماقدر